Mifugo na Uvuvi

Muundo wa Idara:

Idara ya Mifugo na Uvuvi inaundwa na Sehemu kuu mbili ambazo ni:

• Mifugo na
• Uvuvi

Majukumu ya Idara:

Jukumu kuu la Idara ni pamoja na usimamizi wa shughuli zote zinazohusu sekta ya Mifugo na Uvuvi katika Halmashauri ya Wilaya ya Kaliua kwa kushirikiana na Idara zingine, Serikali Kuu na Wadau mbalimbali katika sekta. Shughuli hizo ni pamoja na:-

• Kusimamia na kuratibu utoaji wa huduma za ushauri wa kitaalam na elimu bora ya ufugaji wa mifugo na samaki
• Kusimamia shughuli za udhibiti wa magonjwa ya mifugo ikiwa ni pamoja na utambuzi wa magonjwa, ufuatiliaji, tiba na chanjo.
• Kusimamia ubora na usalama wa mazao yatokanayo na mifugo na uvuvi
• Kuratibu na kusimamia sheria mbali mbali za sekta ya mifugo na uvuvi
• Kuratibu na kusimamia shughuli zote zinazohusiana na maandalizi na ushiriki wa mikutano ya wafugaji na sherehe mbalimbali za mifugo na uvuvi kama za wakulima Nanenane, zinazofanyika kila mwaka kikanda kwenye viwanja vya Nane Nane Ipuli mjini Tabora.
• Kusimamia na kuratibu shughuli zinazofanyika katika rasilimali zilizo chini ya Idara ya Mifugo na Uvuvi ikiwemo machinjio, mawe ya kuchinjia, majosho, magulio na minada ya kuuzia mifugo, mabanda na miundombinu ya maonesho (iliyoko uwanja wa Nanenane Ipuli, Tabora) na mialo ya uvuvi katika Ziwa Sagara, Mto Ugalla na Mto Igombe.
• Kuratibu na Kusimamia ukusanyaji wa mapato yatokanayo na ushuru, tozo na ada zinazohusiana na sekta ya mifugo na uvuvi
• Kufanya doria katika mito Igombe na Ugalla na Ziwa Sagara kwa lengo la kupambana na uvuvi haramu

Kusimamia utekelezaji wa miradi ya maendeleo ya sekta ya Mifugo na Uvuvi ngazi ya wilaya na kata

Kufanya utambuzi na usajili wa mifugo na kuhuisha takwimu za mifugo

• Kusimamia utoaji wa leseni za usajili wa vyombo vya uvuvi, leseni za uvuvi na kutoa vibali vya usafirishaji wa mazao ya uvuvi ndani na nje ya wilaya ya Kaliua na vibali vya kusafirisha mifugo nje ya wilaya.
• Kusimamia na kuratibu shughuli zote za kiutawala na utumishi wa wataalam wa mifugo na uvuvi.