Huduma za Afya

Dira: Dira ya Sekta ya afya ni kuinua afya na ustawi wa wananchi hasa wale walioko kwenye hatari zaidi ya kuathirika na magonjwa kwa kukuza na kuimarisha mfumo wa utoaji huduma za afya utakaokidhi mahitaji ya wananchi.

Dhamira/Taswira: Matarajio ni kutoa huduma muhimu za afya kwa gharama nafuu na zenye ubora na uwiano unaokubalika,zinazozingatia jinsia,endelevu na zinazolenga kuinua hali ya afya ya wananchi wa Wilaya ya Kaliua

Halmashauri ya Wilaya ya Kaliua ina vituo vya Afya vipatavyo 3 na jumla ya Zahanati 33 kama inavyoonekana kwenye jedwali hapo chini. Kwa sasa halmashauri ya wilaya ya Kaliua inaendelea na ujenzi wa Hospitali ya Wilaya inayotarajiwa kuhudumia idadi ya watu wanaokadiriwa kufika 474,497 kwa makadirio ya mwaka 2016 Ongezeko la idadi ya watu ni 4% na kaya zilizopo ni 75,460 Kati ya hao watoto walio chini ya umri wa miaka 5 ni 94,899 na kina mama walio kati ya umri wa miaka 15 – 49 ni 85,409.

Kwa sasa kiwango cha uchanjaji ni 95% na kiwango cha utapiamlo kwa watoto ni 4%. Kiwango cha vifo vya akina mama ni 153/100,00. Kiwango cha akina mama wanaotumia uzazi wa mpango ni 24%. Kiwango cha maambukizi ya malaria ni 56%.

Watumishi 

Idara ya afya hadi sasa ina jumla ya watumishi 146 wa kada mbalimbali (wauuguzi 55, wahudumu wa Afya 43, Maafisa wauguzi wasaidizi 16,Wauguzi 52, Matabibu 14, Makatibu wa Afya 2, watekinolojia maabara 9, maafisa afya mazingira 5, daktari msaidizi 1, afisa ustawi 1 na Daktari 3) ambayo ni sawa na asilimia 25 kati ya watumishi 580 wanaohitajika hivyo tuna upungufu wa watumishi 434 ambayo ni sawa na asilimia 75.

Huduma zinazotolewa kupitia vituo vya kutolea huduma 

WADAU WA MAENDELEO NA KAZI WANAZOFANYA

Idara ina wadau mbalimbali wanaosapoti huduma mbalimbambali zitolewazo katika idara ya Afya wadau hao ni kama ifuatavyo katika jedwali:-